كلفتي نفسـك حيـل يـوم اتصلتـي !!

كلفتي نفسـك حيـل يـوم اتصلتـي
ماكان له داعـي حقيقـه اتصـالك ..

سنتيـن خنتينـي وعقبـ(ـن)سئلـتـي
وش فايده عقب الخيانـه سؤالـك ..

على العمـوم بخيـر مهمـا فعلتـي
مرتاح في شمسي ولابي ظلالـك ..

بس الغريبـه كيـف انتـي وصلتـي
للحال هذا وصار هالحـال حالـك ..

وشلون مـن عالـي مقامـك نزلتـي
في عين من طحتي من اول وشالك ..

لاتسكتـي وشفيـك يعنـي انخذلتـي
عادي انا يامـا خذلنـي وصالـك ..

وكانك زعلتي وش يصير ان زعلتـي
مشكلتك انتي هي مالـي ومالـك ..

الظاهـر انـك ناسيـه ويـش قلتـي
ليه يوم اني كنـت كلـي حلالـك ..

اجمل ليالـي العمـر بيـدك قتلتـي
طعنتي قلب اللي عنالـك وجالـك ..

ياليت يـوم انـك حكمتـي عدلتـي
ماكان قلبي شـاف حبـ(ـن)بدالـك ..

هـذي عمايـل يـدك اللـي عملتـي
جزاك من فعلـ(ـن)عملتيـه نالـك ..

والحيـن فـي يـدك ولاشـي نلتـي
غير التعب والهم ماشـي طالـك ..

بقـول لـك حاجـه مـدام اتصلتـي
لاعاد عقب اليوم اشوف اتصالـك ..

منقوول